වෙලාගත් විට
අාලයෙන් හද
දැනේ මත් වූ ලෙසක
හබා අා විට විරහව
දැනේ ගිනිගන්නා ලෙස
ඉතින් අාදරය නම්
ගිනිකන්දකි නිදා වුන්
ක්ෂණිකව පුපුරා
අලුකරහැකි
මුළු අාත්මයක්
Month: May 2021
පෘථග්ජන මිනිස්සු
නිකමට හිතල බලන්න
මිනිස්සු කියනව වගේ කාලයත් එක්ක හදවතේ තුවාල හොද වෙනවද කියලා…
එහෙනම් කොහොමද පිස්සන් කොටුවෙ අච්චර පිස්සො ඉන්නෙ
මිනිස්සු කියනවා කාලයත් එක්ක මතක අමතක වෙනවා කියලා..
එහෙනම් කොහොමද දෙයක් මතක් වුන ගමන් මිනිස්සුන්ගෙ ඇස් වලට කදුලු උනන්නේ..
ඔව් ඒ හැම දෙයක්ම මිනිස්සුන් විසින්ම තමන්ගෙ තුවාල වහගන්න තමන්ගෙ කදුලු වහගන්න හදාගත්ත උත්තර..
මනුස්යෙක් වෙනස් වුනානම් .. සමවෙන්න වෙනස් වුනා කියලා ලෝකෙට පෙන්නනවානම් .. කියනවා නම් … ඒත් ඇත්තටම ඒ හිතේ තියෙන තදම තද බැම්ම කඩල බැලුවනම් .. ඔයාටත් දැකගන්න පුලුවන් .. අමතක කරල ඉන්න විදිය…
හිත කියන්නේ අන්න ඒ වගේ දෙයක් … ආදරයක් ඇති වුනාම ඒක හරියට වීදුරුවක කැටයම් කරනවා වගේ.. ඒක් හරි ලස්සනයි .. ඒ වගේම තියුණුයි.. ඊටත් එහා ඒක කවමදාකවත් මකන්න බැහැ …
හිතක ඇතිවෙන ආදරයත් අන්න ඒ වගේ .. වේදනාවත් අන්න ඒ වගේ.. තුවාලත් ඒ වගේ කොච්චර අමතක කරලා හිටියත් මතක කියන කටුව ඇවිත් ඒකෙ කබොල්ල කඩලා දානවා..
කෙනෙක් කියනවා නැහැ මම අමතක කරා.. මට වැඩක් නැහැ දැන් එයා ගැන කියලා.. ඇත්තටම ඒ හිත රවට ගැනීමක් නෙමෙද.. හරියටම හිතලා බැලුවොත් .. අපි කෙනෙක්ට අදරය කරනවා කියන්නේ .. අපේ හදවත එයාට ඒකෙ කොටසක් දෙනවා කියන එක .. ඒකයි දෙන්නෙක් එක්කෙනෙක් වෙනවා කියන්නේ ඒකට .. එත් එහෙමනම් කොහොමද එතනින් අයින් වෙන්නේ ඒ කෙනා.. වීදුරුවක් බිදුනම හදන්න බැහැ බං..හැමොම හැමදාම දෙන උත්තරය ඉතින් හදන්නනම් බැහැ තමයි … හැබැයි අලුත් නිර්මාණ කරන්න පුලුවන් ..රත් කරලා වෙන විදියකට හදන්න පුලුවන්.. හැබැයි ගින්නට බයනම් .. කවදාවත් බැහැ ..
එතකොට ඔයා කියන්නේ වෙදනාව තියෙන තැන නැවතිලාම ඉන්න කියලද ..වීදුරු කටු උඩ ඉන්න කියලාද කියන්නේ
අපො නැහැ … මම කියන්නේ නැහැ වේදනාව තියෙන තැන නැවතිලා ඉන්න කියලා.. බිදිල ගිය වීදුරු කටු උඩ ජීවත් වෙන්න කියලා..හැබැයි මම කියන්නෙත් නැහැ බිදුන තැනින් අයින් වෙන්න කියලත් ..
මොන පිස්සුවක්ද්ද ඒක ..
ඔව් .. ඒක පිස්සුවක් .ඇයි ඔයා ඒ බිදුන තැනින් අයින් වෙන්නේ.. ඒ විදුරු කටු ටික අයින් කරන්නේ නැතිව.. ඇයි ඔයා උත්සාහ කරන්නේ නැත්තේ ඒ වීදුරු කටු අරන් අලුත් විදියට සකසන්න..ඒ කියන්නේ අලුත් හැඩයක් හදාගන්න..සරලව කිවුවොත් .. අලුත් විදියකට ආදරය කරන්න
හැමදෙයක්ම කියන්න ලේසි …
ඉතින් ඔයා එහෙනම් අත අරින්නේ.. ලේසි නිසා නේද .. එහෙනම් මම ඔයාට නිවටයෙක් කිවුවොත්..මොකද ඔයා කරන්නෙත් .. කියන්න ලේසිම වැඩේනේ
මම නිවටයෙක් නෙමෙ .. එත් මම අයින් වෙන්නේ එතන තව දුරටත් ආදරයක් නැති නිසයි.
ආදරයක් නැති වෙන්නේ කොහොමද ඒ මනුස්සයා ජීවත් වෙලා ඉද්දී.
මිනිස්සු මැරෙන්නම ඕන නැහැ ආදරය නැති වෙන්න.
මිනිස්සුන්ගෙ හදවතේ යටම තැනට පොඩි ඉඩක් දෙන්න ඕන .. ආදරය හොයන්න
ඔවු අපෙ හිත හරි දක්ෂයි ඉක්මනට ආදරය හංගන්න.. අපි පුරුදු කල කාලයට ඉඩදෙමු කතාව එයාව අරක්ගෙන .. ඉතින් එයා අපිට ඒක සැරෙන් සැරේ මතක් කරනවා..
එච්චරයි එතන වෙන්නේ..
මම දෙයක් කියනවා.
විදුරු බිදේවි කියල බයනම් ..
වීදුරු කැතවෙයි කියලා බයනම්
මේ ලෝකේ වීදුරු වල ලස්සන හැඩ්තල තියෙන එකක් නැහැ කවදාවත් …
හිතලා තේරුම් ගන්න ඕන මිනිස්සුමයි
පුංචි ඉල්ලිමක් …
බය ගුල්ලෙක් නම් ආදරයට අඩිය තියන්න එපා .. මොකද .. මේලොකේ නිර්මාණශීලි මිනිස්සු අල්පයයි ඉන්නේ.. හැම කෙනාටම බැහැ ඒක කරන්න ..නිර්මාණශිලී අයටත් බැහැ ඒක කරන්න හැම වෙලේම .. ඉතින් එවැන්නවුන්ගේ නවාතැන .. පිස්සන්කොටුව..මානසික රෝහල
අත හැරිමටනම් ලන් වන්න එපා
ඉශ්ට කල නොහැකි නම් පොරොන්දු දෙන්න එපා
ශක්තියක් නැති නම් .. හැරෙන්න නම් කෙනෙකුට ලං වෙන්න එපා …
මොකද .. මෙ ලෝකෙ හැමෝම පෘථග්ජන මිනිස්සු.
තරු
මානස විල 
You must be logged in to post a comment.