අවුරුදු ගානකට පස්සේ .. දවසක අද මන් ආයෙත් පිටු අතරේ හිර වෙලා. කීබෝඩ් එකේ අකුරෙන් අකුර අමුණන්න අවුරුදු ගානකට පස්සේ මන් උත්සාහ දරනවා.. මේ තප්පරෙන් තප්පරෙන් විනාඩියෙන් විනාඩිය පැයෙන් පැය දවසින් දවස මාසෙන් මාසේ අවුරුද්දෙන් අවුරුද්ද මගේ ජිවිතේ අරුතක් නැතිවම ගෙවුනා කියන එක මමයි මගේ හිතයි විතරක් දන්න රහසක් . ළඟින්ම හිටපු මිනිස්සු බලන් ඉන්නම් කියලා හිටපු මිනිස්සු මට ශක්තියක් වුවමනාම වෙලාවේ ඔයාට ඕන මේ මොහොත සතුට වෙන්න හෝ නොයෙකුත් කාරණා හේතු දීලා ඈතට ගිහිල්ලත් මන් තවමත් බලන් ඉන්න මෝඩයෙක් වෙන්න තරම් මගේ හිත … ඇත්ත මේ පහු ගිය අවුරුදු ගණන අර්ථයක් නැති වසර ගණනාවක් .. තවමත් මන් මාව හොයනවා .. ආදරේ කරන දේවල් පිස්සෙක් වගේ ලුහුබැඳ ගියා හීන පිස්සුවෙන් වගේ බලාපොරොත්තු වුන ජිවිතේ අවුරුදු ගණනාවක් අද ප්ලැන් කරලා හීන බලපු අවුරුදු විසිපහට කලින් මාව මන් හොයනවා .. මන් හැම දෙකින්ම අයින් වෙලා මාව හොයන්න ගනිද්දී .. ජිවිතේ අරමුණු එකින් එක කඩන් වැටෙද්දි මම කල්පනා කර එකම දෙයක්. මට කොතනද වැරදුනේ .. මාව හොයන්න ගනිද්දී නැති වුන මාව හොයන්න කොහොමද කොහෙද හොයන්නෙ කියන ප්‍රශ්න වල මන් අත්‍රමන් වෙද්දී අම්මා මට කිව්වේ “මට ඔයා ගැන බයක් නෑ ඔයාට මොන දෙයක් වුණත් මන් දන්නවා ඔයා ශක්තිමත් කියලා .. ඔයා නැගිටිනවා කියලා ..” ඉතින් කඩන් වැටෙන්නේ නැතිව රඟපාන්න පටන් ගන්නේ හොදින් කියලා එහෙම..
ඇත්ත මිනිස්සුන්ට වැඩක් නෑ අපේ හිත කොච්චර රිදුනත් .. අපි මොන තත්වේ හිටියත් .. එයාලට වුවමනා වෙලාවට අපි හිටියට .. අපිට වුවමනා වෙලාවට ? අපි මිනිස්සුන්ට දෙන පොරොන්දු වලට කොච්චර ගරු කරනවද ඒවා වෙනුවෙන් ඉන්නවද ඒවා රකිනවද. ඒත් දෙන්නෙක් දෙන පොරොන්දුවක් තනි කෙනෙක් රකින කොට ඒක සතුටක්ද.. රකින බැරි පොරොන්දු මුලින්ම දෙන්නේ ඇයි .. අපි ජිවිතේ අතරමං වෙන ප්‍රශ්න මේවා කියලා කියන්න පුළුවන් ..
ජිවිතේ මොන විදියට වෙනස් වෙනවද කියලා අපිට අද කියන්න බැහැ. මන් මොන වගේ කෙනෙක්ද කියන ඒක කිසිම කෙනෙක්ට නිකන්ම තීරණය කරන්න බැහැ. කිසිම මනුස්සයෙක්ට සහතිකයක් දෙන්න අපිට අයිතියක් නෑ. මොකද අපි හැමෝටම තියෙනවා අපිට වැදගත් අයට පෙන්නන්න අකමැති පැත්තක්. අපි ළඟ ඉන්න අයට ඒක තේරුම් ගන්න බැරිනම්.. ඒ වෙනුවට එයාලගෙන් අපිට එන්නේ දෝෂාරෝපණ නම්…
අපි අනිත් අයට මානසිකව ශක්තිමත් ස්වරූපයක් වෙන්න පුළුවන්. භෞතිකව ශක්තිමත් වෙන්න පුළුවන් . ඒත් හැමෝටම අමතක වෙන දේ තමයි අපි හැමෝම පෘතග්ජන මිනිස්සු කියලා. සමහර මිනිස්සුන්ට රිදුනට කමක් නෑ තමන් හරි කියාගන්නා මිනිස්සු අනෙකාට කොච්චර රිදුනත් අනෙකාට අවස්ථාවක් නොදී තමන් හරි කියන මතේ ඉන්න එක ………
හිත නැවතුන මේ වගේ නොයෙකුත් කරුණු කාරණා ජිවිතේ මේ කාලසීමාව තුලදි මගේ හිතේ ප්‍රශ්නාර්ථ ලකුණු අදටත් ඉතුරු කරලා තියෙනවා.. හැම කෙනාටම තේරුමක් නැති වෙන්න පුළුවන් ඒත් … සමහරුන්ට මේ ප්‍රශ්න ජිවිතේ බාගයක්ම විසදාවි… මොකද ජිවිතේ එහෙම නිසා……..ඉතින් මගේ ජිවිතේ විරාම ලකුණ මන් එහෙම සදහන් කරනවා ..
ඔව් හැමදාම වගේ ජිවිතේ එහෙමයි ….
තරු
මානස විල 